OP#1: '' Isang natatanging karanasan bilang isang mag-aaral''

Isinulat ni Reinalene Soro

Noong ako ay nasa highschool hindi alam kung ano ba ang ibig sabihin ng athletics, marami akong pinagtanungan ang sabi nila " basta may tumatakbo, tumatalon at may naghahagis". Sa sobrang interesado ko itong malaman lumapit ako sa isang guro kung saan ay nagtuturo ng pagiging atleta. Sinubukan kong gawin, maraming araw ang lumipas at may nakakapansin sa aking galing at talento sa pagtakbo ng isang daang metro at dalawang daang metro na pansin ko sa aking sarili na sa tuwing kami ay may pagsasanay, ako palagi ang nauunang makatapos sa finish line.

Ang araw ay dumating nagkaroon ng kompetisyon sa aming paraalan, ito ay tinatawag na intrams. Nagsimula ang laban at ang aking kalaban ay iniwan. Maraming namangha sa aking bilis na tumakbo. Ako ay nakatanggap ng dalawang gintong medalya at isang pilak sa paglalaro ng athletics, dumating ang araw na may kompetisyon ulit ngunit mas malakas na ang aking makakalaban. Takot na takot ako sa aking mga kalaban dahil ako ay isang maliit lamang, maigsi ang aking biyas, nilagnat ako sa sobrang takot halos gusto ko ng umaway ngunit ipinagpatuloy ko ito. Muli akong nagwagi sa kompetisyon na iyon at ito ay nagtuloy-tuloy hanggang makakuha ng dalawampun’t apat na medalya.

Natutunan ko na wag sumuko sa anumang mga pagsubok na tatahakin. Huwag mong maliitin kung sino ka at kung ano ka. Maging positibo sa lahat ng bagay ang iyong pangarap ay makakamtam.